Շարունակուող հետաքննութեանց լոյսին տակ`. Հարեթ Հըրէյքի պայթումին առնչուող ծալքերը
հետզհետէ կը բացայայտուին
Հինգշաբթի, 2 յունուարին Հարաւային արուարձաններու Հարեթ Հըրէյք շրջանը ցնցած պայթումէն
անմիջապէս ետք յատկապէս լիբանանեան բանակին ձեռնարկած ապահովական միջոցառումներուն եւ
կատարած հետաքննութիւններուն լոյսին տակ, հետզհետէ սկսան բացայայտուիլ ոճրային այս պայթումին
առնչուող մութ ծալքերը:Հաւաստի աղբիւրներու համաձայն, հետաքննութեանց արդիւնքներուն համաձայն, վերջին այս պայթումին գործածուած ականուած ինքնաշարժին մէջ զետեղուած ռումբի տեսակէն կը հետեւցուի, թէ անիկա թիրախ ունէր կարեւոր անձնաւորութեան (անձնաւորութիւններու) մը շքախումբի ինքնաշարժները:
Պայթումի վայրէն գտնուեցաւ անձնաթուղթ մը (իխրաժ քայտ)` Լիբանանեան համալսարանի ուսանող Քութէյպա Սաթեմի անունով: Անոր հայրը քանի մը օրեր առաջ ոստիկանութեան յայտնած էր իր զաւկին անհետանալը: Ապահովական պատկան մարմինները արգելափակեցին Սաթեմի հայրը` հարցաքննութեան համար:
Լիբանանեան «Նաշրա» կայքէջը, Դամասկոսի մէջ գտնուող յատուկ աղբիւրներու վերագրելով իր տեղեկութիւնները, հաղորդեց, որ Քութէյպա Սաթեմ Եապրուտի մէջ Ժապհաթ Նուսրա խմբաւորումէն կռուող զինեալ մըն էր:
| All the contents on this site are copyrighted ©. |